Овој договор подразбира преминување на сите 16 инженери и креативци од тимот на InterPositive во Netflix, додека Афлек ќе ја преземе улогата на виш советник. Иако официјалната сума не е објавена, извори блиски до компанијата потврдуваат дека станува збор за износ близок до вртоглавите 600 милиони долари.
Лицемерна продажба или паметен бизнис?
Сепак, веста за продажбата не помина без остри критики. Социјалните мрежи се вжештија од коментари на оние што потсетуваат на неодамнешните штрајкови на холивудските актери и сценаристи токму поради употребата на AI.
„Зарем тоа не беше токму она против што се штрајкуваше?“, „На крајот на денот, сè е само во парите“ – ова се само дел од реакциите на разочараните фанови, кои сметаат дека Афлек, како икона на индустријата, не би требало да поддржува технологија што го загрозува човечкиот труд.
Бен Афлек уште еднаш покажа дека е подеднакво опасен и во киносалите и во управниот одбор. Прашањето што останува отворено е како Netflix ќе ја искористи неговата AI технологија и дали тоа трајно ќе го промени начинот на кој ги гледаме филмовите, или Афлек, како и неговиот лик во The Accountant, ќе успее да ја избалансира студената логика на бројките со човечките емоции.
